رائے پور، 9 دسمبر (آئی این ایس انڈیا) چھتیس گڑھ کے ضلع نکسل سے متاثرہ کنکر میں بارڈر سیکیورٹی فورس (بی ایس ایف) کے جوان نے مبینہ طور پر خودکشی کرلی۔

بدھ کے روز ضلع کانکر کے پولیس عہدیداروں نے بتایا کہ کانسٹیبل سوراج پی این نے ضلع کے کویلی بیڈا تھانہ علاقے کے تحت بی ایس ایف کی چوتھی بٹالین میں خود کو پھانسی لگاکر خودکشی کرلی۔

پولیس عہدیداروں نے بتایا کہ صبح 6.30 بجے کے قریب بی ایس ایف اہلکاروں نے پرانی میس میں سوراج کی لاش دیکھی اور اس کے بارے میں اہلکاروں کو آگاہ کیا۔

انہوں نے بتایا کہ بعد میں بی ایس ایف حکام نے پولیس کو واقعے سے آگاہ کیا، پھر پولیس ٹیم کو موقع پر بھیجا گیا اور لاش پوسٹ مارٹم کے لئے بھیج دی گئی۔

پولیس عہدیداروں نے بتایا کہ اب تک موصولہ اطلاع کے مطابق سوراج پچھلے کچھ مہینوں سے ٹھیک نہیں تھے۔

انہوں نے بتایا کہ سوراج کیرالہ کے ضلع وایاناد کا رہائشی تھا اور گذشتہ سال ستمبر میں کویلی بیڈا میں تعینات تھا۔ سوراج ایک لمبی چھٹی کے بعد رواں سال اکتوبر میں کولبیڈا واپس آئے تھے۔

پولیس عہدیداروں نے بتایا کہ اس واقعہ کے بارے میں سوراج کے اہل خانہ کو آگاہ کردیا گیا ہے۔